FESTUM S. THOMÆ DE AQUINO

IANUARIUS 28 | Festum S. Thomæ de Aquino

In monasterio Fossaenovae in Latio, sanctus Thomas de Aquino, ex Ordine Praedicatorum, a Deo vocatus veniendo ad generale concilium Lugdunense. Doctor egregius et famosus in orbe, quae ad christianam religionem pertinent contemplatus, plurimis scriptis tradidit, duabus praesertim Summis. De Sacramento altaris, quia concessum ei fuerat profundius scribere, donatum est ei devotius celebrare. Vitae innocentia et ingenii sublimitate Doctor Angelicus, et ob sapientiam omnibus praecipue commendatam Doctor Communis appellatus. Patronus omnium scholarum catholicarum.

---